ច្បាប់ស្តីពីការជួយអាមេរិកាំងបោះឆ្នោត ឆ្នាំ 2002 (HAVA) គឺត្រូវបានចុះហត្ថលេខាចូលជាច្បាប់ដោយលោកប្រធានាធិបតី Bush កាលពីថ្ងៃទី 29 ខែតុលា ឆ្នាំ 2002។ តំរូវការថ្មីក្រោមច្បាប់ HAVA មានប្រសិទិ្ធភាពលើរបៀប ដែលលោកអ្នកចុះឈ្មោះបោះឆ្នោត គូសសន្លឹកឆ្នោត និងប្រើអំណាចរបស់អ្នកក្នុងនាមជាពលរដ្ឋម្នាក់។

វាបង្ហាញនូវការផ្លាស់ប្តូរក្នុងវិស័យខាងក្រោម ៖

• ឧបករណ៍បោះឆ្នោតថ្មី
• សិទិ្ធបោះឆ្នោតបណ្តោះអាសន្ន
• ច្បាប់នៃការចុះឈ្មោះបោះឆ្នោតថ្មី
• ជំនួយសំរាប់អ្នកបោះឆ្នោតជាយោធា និងស្នាក់នៅក្រៅប្រទេស
• របៀបថ្មីសំរាប់ធ្វើឲ្យដំណើរការបោះឆ្នោតកាន់តែប្រសើរឡើង

សំរាប់ព័ត៌មានបន្ថែមអំពី HAVA និងតើវាប៉ះពាល់អ្នករបៀបណា សូមទស្សនា វឹបសៃយ៍ របស់ការិយាល័យរដ្ឋលេខាធិការរដ្ឋ California

ច្បាប់ស្តីពីសិទ្ធិបោះឆ្នោតត្រូវបានអនុម័តជាដំបូងកាលពីឆ្នាំ 1965 ហើយបានពន្យារហូតដល់ឆ្នាំ 1970, 1975, 1982, និង ឆ្នាំ 2006 គឺជាទូទៅត្រូវបានចាត់ទុកថាជាជោគជ័យដ៏ចំបងមួយនៃនីតិកម្មច្បាប់សិទិ្ធពលរដ្ឋដែលពុំធ្លាប់មានអនុម័តដោយសភារបស់សហរដ្ឋអាមេរិក។ ច្បាប់នេះគឺប្រមូលជាក្រម ហើយបំពេញកិច្ចដល់ការធានាជាអចិន្ត្រៃយ៍នៃច្បាប់វិសោធនកម្មទី 15th ដែលក្នុងប្រជាជាតិទាំងមូល គ្មានជនណាម្នាក់ត្រូវគេបដិសេធសិទិ្ធបោះឆ្នោតដោយមកពីពូជសាសន៍ ឬព័ណ៌សម្បុរឡើយ។ ជាបន្ថែមទៀត ច្បាប់នេះក៏មានប្រការពិសេសផ្សេងៗជាច្រើនទៀតដែលដាក់សង្កត់ឲ្យមានការតំរូវកាន់តែតឹងតែងឡើងនៅក្នុងយុត្តាធិការមួយចំនួនទូទាំងប្រទេស។

សំរាប់ព័ត៌មានថែមទៀតអំពីច្បាប់ស្តីពីសិទិ្ធបោះឆ្នោត សូមអញ្ជើញចូលទស្សនា គេហទំព័រ របស់ក្រសួងយុត្តិធម៍ផ្នែកសិទិ្ធពលរដ្ឋ។