ជ-រ-ស-រ-ស-មធ-យ-ប-យ-របស-ល-ក-អ-នក-ដ-ម-ប-ប-ឆ-ន-ត-

អ្នកអាចជ្រើសបោះឆ្នោតតាមវិធីមួយក្នុងចំណោមវិធីទាំងបី។ ខាងក្រោមនេះជាជម្រើស៖

បោះឆ្នោតនៅកន្លែងបោះឆ្នោត

ការបោះឆ្នោតនៅកន្លែងបោះឆ្នោតដែលបានកំណត់នៅថ្ងៃបោះឆ្នោតគឺជាវិធីសាមញ្ញបំផុតដើម្បីបោះឆ្នោត។ កន្លែងបោះឆ្នោតជាធម្មតាបើកនៅថ្ងៃបោះឆ្នោតចាប់ពីម៉ោង 7 ព្រឹកដល់ ម៉ោង 8 យប់។ សម្ភារៈផ្គត់ផ្គង់ទាំងអស់ដែលចាំបាច់សំរាប់បោះឆ្នោតគឺមាននៅកន្លែងបោះឆ្នោត ដែលមានមន្រ្តីរៀបចំការបោះឆ្នោតនៅទីនោះពេញមួយថ្ងៃដើម្បីជួយសម្រួលដល់អ្នកបោះឆ្នោត និង រងចាំឆ្លើយសំណួរផ្សេងៗអំពីការបោះឆ្នោត សូមចុចនៅទីនេះដើម្បីស្វែងរកកន្លែងបោះឆ្នោតរបស់លោកអ្នក។

បោះឆ្នោតដោយការផ្ញើតាមសំបុត្រ

អ្នកបោះឆ្នោតទាំងអស់មានជម្រើសដើម្បីបោះឆ្នោតដោយការផ្ញើតាមសំបុត្រ។ នេះមានន័យថា សន្លឹកឆ្នោតត្រូវបានផ្ញើទៅកាន់អ្នកបោះឆ្នោតដែលបោះឆ្នោតនៅលើសន្លឹកឆ្នោតនៅផ្ទះ ហើយបន្ទាប់មកផ្ញើ ឬ បញ្ជូនទៅកន្លែងបោះឆ្នោតនៅម៉ោង 8 ល្ងាចនៅថ្ងៃបោះឆ្នោត។ ការបោះឆ្នោតដោយផ្ញើតាមសំបុត្រផ្តល់នូវភាពបត់បែននៃការបោះឆ្នោតនៅតាមផ្ទះដោយវិធីផ្ទាល់ខ្លួនរបស់មនុស្សម្នាក់ៗ។ ចូលបណ្តាញអេឡិចត្រូនិច ពាក្យបែបបទសុំការបោះឆ្នោតដោយផ្ញើតាមសំបុត្រមួយដង ឬ បំពេញ ពាក្យបែបបទសុំការបោះឆ្នោតដោយផ្ញើតាមសំបុត្រជាអចិន្ត្រៃយ៍ អានបន្ថែមអំពី បោះឆ្នោតដោយការផ្ញើតាមសំបុត្រ។

បោះឆ្នោតមុនកាលកំណត់

ចាប់ផ្តើម 29 ថ្ងៃមុនការបោះឆ្នោត នោះអ្នកបោះឆ្នោតអាចមកកាន់ការិយាល័យកណ្តាល Norwalk ដើម្បីបោះឆ្នោតមុនកាលកំណត់។ ពីរសប្តាហ៍មុនការបោះឆ្នោត ការិយាល័យបើកដំណើរការនៅថ្ងៃសៅរ៍ និង ថ្ងៃអាទិត្យចាប់ពីម៉ោង 8 ព្រឹកដល់ម៉ោង 4 រសៀល។